J'jouêmes ensembl'ye, dJimce et mé, comme avièrs,
Pour longtemps j'feûnmes deux bouons parchonnièrs;
Dans not' tripot et dans touos nos jeux,
J'tais tréjous l'pèrdant, dJimce 'tait l'chanceux.
Ah, l'chanceux dJiince, man vièr parchonnyi,
Ah, J'chanceux dJimce, qué j'voulais êt' li!

Étant jannes hommes, j'restions bouons anmîns,
D'la même fil'ye jé d'vînmes les deux êprins;
Ch' fut dJinice qu'ou chouaisit, ch'tait dJimce qu'oulle aimait;
Ou mathyit Jim, sans s'dêrangi d'mé.
Ah, l'chanceux dJimce, bein seux d'en gângni,
Ah, l'chanceux dJimce, comme j'voulais êt' li!

D's années auprès, l'pouôrre dJimce patchit ses tailes,
J'mathyis sa veuve tchi n'tait pus janne hardelle;
Hélas, l'pouôrre dJinice! Jé l'comptais bein heûtheux,
Mais d'san sort d'à ch't heu j'sis bein envieux.
Ah, l'chanceux dJimce, si bein à l'abri,
Ah, l'chanceux dJimce, j'voudrais ét' auve li!

Elie