I'n semblye jamais lus lasser,
Mais quand j'sis toute essouffliée,
Je m'assieds l'long du fossé,
D'vant m'ermettre à les chasser.

Savous chein tchi s'arrivit
L'autre jour quand je m'arrêti?
Une p'tite créatuthe je vis
Tch'avait l'air d'un cordonnyi.

Il avait un p'tit marté
Un souliè sus un pid d'fé.
I' chantait à san tout seu
Tic! Tac! Tic! Tac! Tic! Tac! Te!

Je pensais que j'l'attrap'thais
Auve le filet que j'portais
Juste à chu moment i'm vit
Et d'la poudre sus mé fliantchit.

Quand j'eus fini d'êternuer
Le balloque avait dêcamper.
Quand j'ervins sièz nous j'lus dis
Chein que j'avais veu dans l'côti.

I' n'ont pon voulu mé craithe
Et m'ont dit ch'n'est qu'une histouèthe
Yun d'chès jours j'rapportéthai,
Le p'tit homme pour lus montrer.

F. M. H.