|
Bouans Jerriais, mêfious des loups, D'la cnaille de prêtraille: Bouans Jerriais, mêfious des loups Qui rôdent parmi nous. Mêfious, mêfious des prêtre, Mêfious de ches bigots; Mêfious, mêfious des traitres A la mine dévots. Bouans Jerriais, mêfious des loups, D'la cnaille de prêtraille: Bouans Jerriais, mêfious des loups Qui rôdent parmi nous. De chapelle ou d'êcole N'allez pas appréchir; Criyiz en ma parole Il y'airait du dangir. Bouans Jerriais, mêfious des loups, D'la cnaille de prêtraille: Bouans Jerriais, mêfious des loups Qui rôdent parmi nous. De si maudite graine Gardous de laissir smer; Che s'sait forgir la chaine Qu'ous airiez à porter Bouans Jerriais, mêfious des loups, D'la cnaille de prêtraille: Bouans Jerriais, mêfious des loups Qui rôdent parmi nous. D'iaue bénite, de messe N'allez pon vouos touollir; De prêtre ou de confesse I' n'faut pon s'embrouoillir Bouans Jerriais, mêfious des loups, D'la cnaille de prêtraille: Bouans Jerriais, mêfious des loups Qui rôdent parmi nous. Bouans Jerriais, mêfious des loups Race maudite, hypocrite; Bouans Jerriais, mêfious des loups Rodant à l'entou d'vous. Bouans Jerriais, mêfious des loups, D'la cnaille de prêtraille: Bouans Jerriais, mêfious des loups Qui rôdent parmi nous. PL 25/4/1873 |
Viyiz étout: