|
Est-y pôssible, ammin Elie, Qué tu'as happè la maladie Dé faire étout pour la Chronique Chein qu'n'ou s'appelle un Limérique? Enfin, enfin, vaût mus tard qué jamais, N'ou peut en faire dé bons en Jerriais - Et pour lé Gérant, si prennait m'enn'avis Pour encouôragi les rimeurs y dounn'rait des prix: Jé n'soummes pon avaricieux - y pouôrrait nos offri Disons un p'tit ordre pour qué l'vaisin G- Nos f'rait (à san compte) câsaque, veste et braies, Ou pour des djaînes, qu'minses et mouôchèts - Ou pour les cheins qu'ont fraid quand veint la saison Y donn'rait pour prix deusse trais chents d'tchierbon. Enfin qué l'espoir nos ranimme Car quand y verra nos rimmes Et qué l'admirons pour né prendre pas d's'no Cré tu pon, Elie, qué j'en érons not' lot?
|
Viyiz étout: