|
Pouor du fanne, les êtudgiants d'la clâsse avanchie fîtent des limericks en 2003. À Safeway dans man tchéthiot J'trouvis eune dgaîngue dé p'tits faîtchieaux. “Mais tch'est qu'ou faites là?” Et i' m'rêponnîtent, “Bah! Nou-s'est bein mus ichîn qu'siez Tesco!” En navidgant dans man baté, Jé vis eune séraine dans la mé. Ou châtchit sa coue, Et mé, j'dis, Mouôn Doue! Oulle est pus belle qu'un héthan feunmé! Un candidat ès êlections A ses plians, des mauvais et des bouôns. Mais eune fais dans l's Êtats, Né v'chîn chein qu'i' f'tha: I' dort dans eune cliosée d'ouongnons. Un candidat ès êlections A ses plians, des mauvais et des bouôns. Mais eune fais dans l's Êtats, Né v'chîn chein qu'i' f'tha: I' sied les aut's coumme un mouton. Ès êlections, les candidats Veulent baîssi la taxe et lé Rât. Mais quand i' sont êlus, J'avons à payi pus; Qué nou s'pliaint, i' n'fait rein, ah sa! Eune êtudgiante d'la clâsse du sé Rencontrit un moussieu bein bé. Il avait des sou, Mais en d'pit dé tout, I' lyi mouontrit d'aut' chose qu'il avait! Moussieu Tony veurt nos êcoler. I' dit: “un volontaithe est d'mandé!” Mais j'sommes à baîssi la tête Et à brueûter comme des bêtes. Voudrait-i' don nâvrer not' souper? J'creuse bein avant pouor muchi l'accent, Mais il èrssuscite, Français, touot l'temps. Ah! Sav'ous qué j'donn'nais, Pouor pâler l'bouôn Jèrriais, Lé p'tit creux bein avant, bein avant... Dé dithe I love you jé n'sis pon à même, Ainchîn, man doux, tu n'sais pon qu'jé t'aime. Mais si, à ch't'heu, tu m'ouai, Et si tu t'èrconnais, Fai-mé don un sîngne auprès Carême! Pouor té faithe fête, man p'tit Patrick, J't'enviêthais bein un p'tit limerick. Mais i' n's'sa pon grivouais Ni vraîment drôle, ma fouai. Un jour dé dgèrre n'est dgéthe conmique! Bétôt, man doux, j'té dithai: À bi! Comme lé faîsan, l'Hottentot fidgi, Et l'préchain forbanni. To be or not to be Jèrriais? That is, don, la tchestchionn'nie... |
Viyiz étout: