A Moussieu l'Editeu.
Moussieu, - Com l'Education Obligatoire n'existait pon dan mes temps ou comprennaient ben que sis un miot à gauche, not up to date, comme dit les angliais, et pourtant je voudrais pouvé dithe deux mots, aidjis mai j'vos en prie sus votre aimable gazette sou partagis m'n'oppignon? le nouviaux projet de M. l'Avocat Baudains, hêche pour atizer les visiteurs qui veut les faire payer 1s. la tête pour desberqui yieux qui trouve dèsja qu'il en coutte tro, et pis nous, nous si j'allons seulment en Guernesi y faudra que j'payons éthout, naiche pas honteux! et pis che que critique chest qui ne met pas le même percentage sus tout, dites mai Moussieu hêche que l'cherbon n'est pas dèjà pon chi assez pour les pourre gens? et qui mette 2 ou 3 sous par pot sur la bière qui veint de dehors et nos brachées ne s'en pleindrons pas, je cherchi pour des statistiques sur votre Almana mes en vain rainque pour les patates, mais crai bain qui vain aux mains pour £150,000 bottes et d'souliers dans l'payi, et pour autant d'abits touts faits, et ben qui mette 2 sous par chelins la desus i'la qui rapportera dèjà quique choses et nos drapiers, cordonniers et couturiers, n'en seront pas mâris yeux qui sont souvent mâtées dans lus boutique a renfaire, et pis y peuvent mettre 2 sous par cabot sus les pommes-de terre et 10s. par tête sur chaque géniche ou boeu qui sort v'la qui raporteret oucou pus £1,000 par an et l's Anglais; les pairai oumme dirais cla qui fret tor au fermi, mais faut y cla ville paie tout y jouisent de toutes les améliorations que j'faisons est routes ou ailleurs et y n'est que juste qu'il y contribuent un miot. Jerriais oucou temps d'autre choses a suggérer mes le temps manque et y faut que finisse pour chutte fais, je sait bien que nousse plaint com oul disies Samedi passait, et nous plaindra mais che n'est pas tréjous à tort et chacun fait de s'en mus com mai et y fait pas aucou bein asses.
J.L.B.
Y'un de vos Lecteurs.
Jerri 1901.
Viyiz étout: