Les Pages Jèrriaises

La Leçon

I-l arrive à tout l'monde un jour dans la vie,
Que nou l'veule ou que nou n'le veule pas,
Quand la vielleche sans vos djérni tappe à la porte,
Car les années s'en vont à bouan pas.
Quand nou r'garde driéthe sé, ès siennes qui sont passées,
Nou se d'mande ou'est qu'ils ont dispathu,
Et nou s'rapelles coumment qui semblyait coumme êfants,
Que nous en vèrrai janmais le but.

Qua-and chu jour arrive nous à l'temps d'réfliechi
Sus la vie, ses problêmes et malheurs,
Et nou comprend qu'i' faut la sagesse des anciens,
De-e-vant être compliétement hêutheurs.
Mais chutte leçon d'la vie, veint rein qu'auv' l'expéthience,
Des-s chose qui faut tous accepter,
Ah-h sis les jeunes gens voulaient prendre d'l'avis,
Com-bein qu'i' pouôrraient en profiter.

Les-s petites minséthes que nous à a vingt ans,
Vos-s gênes et vos mettent au m'sespé,
Mais-s avau l's années, nou sais qu'auvec la fouai,
Au-tchunnes minséthes nou peut surmonter.
Si nou n'touônne janmais l'dos, mais que nou tend la main,
Que nou n'grond pas mais qu'nous encouothage,
Nou peut môtrer un exemplye à touos les êfants,
Et enfachi l'av'nin auv couothage.

Fau-ut tréjous prendre le bouan auvec le mauvais,
Ermerciants qu'j'avons tant de bonheu,
Le-e chant des ouaisieaux, la caleu du solé,
La bieauté d'la natuthe le tou d'sé.
Le-s jours s'ent' suivent tous mais i' s'entre ersemblyes pas,
Et auvec un ésprit d'aventuthe,
Y'a moyen de passer sans trop d'peine et d'souci,
A-a travers des fiâs et des huthes.

ALP

 

Viyiz étout:

 

Les Pages Jèrriaises