|
Ah! man chièr Aladdin tuas un divers Crasset, Un lampion mirvilloeux qui vaux mille chandelles, Jé nén vait qu'feu ma fé, j'em sis esperlusset, Chest un fammoeux Guiaman qui pliaist à nos hardelles. La Leunne et le Solai, n'sont pargui qu'des béluets Quand ta Lampe eslectrique, ov ses feux nos escliaire, Dans l'Neu-qu'min, dans King Street, dans la ruette es Haguets, Et au touo du vier Roué qu'est dans lé Royal Squaire. Gliach' tan noble Solai sus l'haout du Fort Regent Et escliair' tous les qu'mins et les coins de la ville, Prend ta torche magicq', tan réfliectoeux d'argent, Illumine partout nouot bell', nouot petite Ile. Ten huile a bouanne odeu, j'en parfummons nos g'veux, T'n Iau-d'Cologn', tan savon, à la flieur Guiamantinne Nos font v'nin des galants, de ben chiers amouoreux . Il' yiont donnai-z-un nom l'huile de "GALANTINNE!" Et i chantent en choeu: "Vive la Guiamantinne "Aladdin et san feu! "A la fliasme Argentinne, "A l'odeu Fliorantinne! "Houras pour l'Aladinne! "Vive la Guiamantinne! "Abas la parafinne "Vive la 'GALANTINNE."' (bis}. |
Viyiz étout: