|
My good! tches qui ya a niet, T'une sait pas chez la fête des tchans, Il yan a yun qui fait si lait, Et non ne lis vait que nez ét dents. Chez le pus grand bow wow dans la salle Et chez qui connais bain ses anmins, Sa couleu est brune et chest un mâle Qui crait qu'il a toute permission aquise. Coum un perrot il a l'nez fait Sa langue d'eshalle et l'ziers li touanne A ses fiatteurs il agis bain drait, Es' indépendants - y lus fait une trouanne. Y pâle bain chu tchan, car y propose Monsieu ou n'êtes pas un gentleman Une dame au tchan lis dit la même chose Lis touanne le dos dit à la préchaine. Ch'nais pas ouassé chest la hurlé Chest saieux, chez la mort dans l'vaisiné Y faut l'pendre, s'en d'aifaithe oul tithé, Ou coum dernyi ermiède l'empoisonné. Et un autre tchan oprès de li assis A tout le monde se fait bain motchi Il est l'pus gros et suous ses pis, Laisse l'autre tchan souvant gratté. Un tchan grand de vouaix es la etout, A une femme a esprouvé ouassé ; Mais la femme pâle et lis conte sans lot, Et a guellé y'n peut pou cratchi. Un nier tchan avec le pé frizai, Est a la fête qui n'est pas au soyi, Y'in peu pon ouassé, je vos l'assaithe, De la crainte d'attrapé une lattaithe. Et tchan fidèle oprès du feu s'cauffe, Qui pense chonchin es du brun mortchi, Et le tchan doré est avec l'autre, Desclarations a escrivachi. Ne v'chin un grand tchan Bull Dog chez seux Et d'ouasser fort haut y n'a pon d'peux Il a l'pé blond, pas couleu d'taupe, Tchan Noisy dizait que chiai lus faute. Ah! tchi lais naithe bête ch'est un lévri, Pour vais browni il est v'nu chez saieux, Pour les primes et prix y partagi, Y vain toute la course de Saint Sauvaix. Chest la un nice tchan, y souanne des sou, Au grand tchan des noms il a forgi, Ah! tchi grand bounheu pour nous tous, D'avé l'pus biaux tchan pour le luothi. |
Viyiz étout: