|
M'n êlectricien est hors Jèrri à èrouaïeurer des châtchieaux en Espangne. Siez mé i' n'veurt pon travailli, Mais reste là-bas à goudaller l'champangne. Quand l'ouvriyi est milsoutchi, I' n'sé gêne dgéthe dé faithe un p'tit d'travas. Il aime bein mus eune vie d'laîsi qué d'èrgraie plogues et câbl'yes à flieur dé bras. Quand l'nouvieau fou n'a pon d'pouvé et la batt'tie d'tchuîsinne n'a pon d'batt'ties, lé pièrcheux dort au bord d'la mé quand i' dév'thait connecter touos mes fis. Lé couothant, ma fé, né couort pon. Qué l'êlectricien couothe! Qu'la leunmiéthe sait! Même s'i' faut payi un million, mé, j'm'en vais r'aver m'n êlectricité!
Geraint Jennings |
Viyiz étout: