Les Pages Jèrriaises

Des danses

Danse Brétonne
sus l'air dé Jean Gros Jean

Pids:
À gauche: piétonnez du pid gauche, pid drouaite, pid gauche
Sus pliaiche: m'ttez l'paids sus l'pid gauche et tapez auve lé pid drouaite
Sus pliaiche: m'ttez l'paids sus l'pid drouaite et tapez auve lé pid gauche
Èrquémenchiz...

Mains:
Auve les mains au nivé d's êpaûles, liez les p'tits dés et "nagiz" les bras s'lon la musique



P'tit Bouonhoumme

En ronde: les hoummes èrtchulent 4 pas, avanchent au mitan 8 pas, épis r'veinnent 4 pas, quandi qu'les femmes avanchent au mitan 4 pas, r'tchulent 8 pas, épis r'veinnent 4 pas

Les mains jouaintes, toute la ronde marchent 16 pas à drouaite. L's hoummes font eune révéthence à la parchonniéthe à gauche épis à drouaite quandi qu'les femmes font eune révéthence au parchonnyi à drouaite épis à gauche

Èrquémenchiz



Les Garçons d'Grouville
Danse Nouormande

En ronde - les hoummes d'auve les femmes:
Les hommes font 4 grands pas sautés et piétonnés auve la gambe lévée en driéthe au mitan, épis 4 pas sauté à r'tchulons en codpîsant à l'avant
Les femmes font 4 pas êtampés en châtchant les cotelles
4 pids crouaîsis - sautés dé bort' en aut' (à mains jouaintes si'en cas)
Les hoummes touônnent auve la parchonniéthe à drouaite par lé bras drouaite
4 pids crouaîsis - sautés dé bort' en aut' (à mains jouaintes si'en cas)
Les hoummes touônnent auve la parchonniéthe à gauche par lé bras gauche
Èrquémenchiz...



Mon Père avait un petit bois
Danse Nouormande

En ronde les mains jouaintes.
4 pas à drouaite
4 pas craûlés (en avant, en arriéthe, en avant, en arriéthe)
4 pas à drouaite
4 pas craûlés (en avant, en arriéthe, en avant, en arriéthe)
8 pas crouaîsis - sautés dé bort' en aut'
Èrquémenchiz



La Danse du chapé
Danse Jèrriaise
(sus l'air dé Margot Margotton)

Y'a trais chapieaux dans l'aithe: les danseurs sont alîngnis driéthe lé m'neux au but du preunmié chapé. Lé m'neux (en solo) danse en chiffre dé 8 lé tou des chapieaux s'lon l'pas d'san chouaix (8 pas jusqu'au drein chapé et 8 pas d'èrtou). Lé m'neux r'veint à la tête d'l'alîngnie d'danseurs et r'pète ses pas, l's aut's danseurs à l'siéthe en lus crouaîsant. Lé m'neux va à la coue d'l'alîngnie et la musique continnue entrétant qu'touos les danseurs saient r'vénus au c'menchement.

Lé deuxième danseux d'veint achteu lé m'neux et danse lé tou des chapieaux s'lon l'pas d'san chouaix et ainchîn d'siette coumme dévant.




La Bébée
Danse Dgèrnésiaise

Les femmes et l's hoummes en deux lîngnes à lus entré-fachi.
Tapez les tchiêsses 3 fais; tapez les mains 3 fais (X2)
Châtchiz l'preunmié dé d'la main drouaite 3 fais; châtchiz l'preunmié dé d'la main gauche 3 fais; châtchiz l'preunmié dé d'la main drouaite 3 fais; ; châtchiz l'preunmié dé d'la main gauche 1 fais
Prannez l'bras drouaite et dansez l'tou d'la parchonniéthe/du parchonnyi, épis d'èrtou sus l'bras gauche

Les femmes restent en pliaiche; l's hoummes avanchent eune pliaiche (l'houmme au but dait couôrre à l'aut' bord)

Èrquémenchiz.



La Chabotée
sus l'air Man bouonhoumme est bein malade

En ronde, nou-s'avanche 4 pas à gauche épis nou r'veint 4 pas à drouaite, et acouo 4 pas à gauche et acouo 4 pas à drouaite.

L's hoummes avanchent au mitan 4 pas épis 4 pas à r'tchulons épis acouo 4 pas au mitan et 4 pas à r'tchulons quandi qu'les femmes lus r'touônnent (à gauche) pouor 4 pas èpis lus r'touônnent à drouaite (pouor 4 pas), épis lus r'touônnent à gauche et à drouaite.

En ronde, nou-s'avanche 4 pas à gauche épis nou r'veint 4 pas à drouaite, et acouo 4 pas à gauche et acouo 4 pas à drouaite.

Les femmes avanchent au mitan 4 pas épis 4 pas à r'tchulons épis acouo 4 pas au mitan et 4 pas à r'tchulons quandi qu'les hoummes lus r'touônnent (à gauche) pouor 4 pas èpis lus r'touônnent à drouaite (pouor 4 pas), épis lus r'touônnent à gauche et à drouaite.

 

Viyiz étout:

 

Les Pages Jèrriaises