Né v'chîn acouothe eune vielle danse du temps pâssé. Chette-chîn n'était pon souo-dîthant dansée justément comme en Dgèrnéthy, comme i' s'y prannaient, ieux. Mais la description qué j'en avons r'tînt èrsembl'ye pouortant gentiment bein à chein qu' nou trouve dans A Link with the Past. I' pathaît tch'i' y'avait eune èrsembliance au ji Angliais (ou nursery rhyme) dé musical chairs.
Iun s'met dans l'mitan d'un rond, et les coupl'yes dansent à l'entou d'li, tout en chantant:-—
Auprès siêx heuthes dé fraction,
La tabl'ye est montée, la soupe est mangie.
Changiz dé fil'yes et changiz dé bras,
Pour mé jé n'en chang'geai pas.
ou:
Auprès siêx heuthes dé fraction,
La soupe est mangie, la gâche est gâtée.
Changiz dé fil'yes et changiz dé bras,
Pour mé jé n'en chang'geai pas.
Pis la mûthique arrête subitement et tous changent dé parchonnièrs, mais l'homme dans l'mitan êprouve achteu à s'compather dé ieune des parchonniéthes des aut's. La mûthique èrquémenche et lé chein tchi n'a pon réussi à empouongni eune danme dans la confusion, eh bein, i' prend san tou dans l'mitan, et l'affaithe èrmarche qué d'pus bé. Et ainchîn d'siette.
Viyiz étout: