Pourtchi que le "caouan" l'appelle "By Jim" le premi jèriais qu'ait ieu unne médaille pour ses longs et loyaux services. Pourtchi ? Parcequ'ils soulais le dithe le temps passé, ne v'là tout.

Pour de mé, caouan, un Mousieu qu'a yeu tant d'honneu m'érite la considération de tous les vraies jersiais.

Tout chein qui me contrarie de cette histouèthe c'est qu'nou a été trop pressi de faithe la présentation. Nou' éthait deu attendre le jour de la visite royale, quand tuos les Messieux de la Cour éthaient tai là.

Un jour, j'pense que ch'tait du temps de la dernièthe élection pour juge, j'entendi d'visé un grand homme, iun d'yieux qui sont ès Etats et qui par conséquent en sait bein long, sur chin cé qu'i s'edit entre les membres de l'assembiée.

Il disait, et mé jé sis de son avis, qué si nous disait ès Messieux de la Cour : Ne vlà le doyen des Inspecteurs tchi à si bein travailli pour la paraisse pour eun quart de siècle que les pâraissiens lui ont présenté chutte belle médaille. Eh ! bein, si nou disait chunna, p'eut-être bein – j'en sis qu'âsiment seux – que la Cour voudrait le récompensé de ses services et unne autre médaille pourrait être mise sus sa casaque au nom de toute l'Ile. C'est la moindre dès choses.

Coumme j'vos ai déjà dit chutte médalle est grand et nou la vait d'un but.

M'nanmin, ''By Jim,'' l'a mise déjà eune fais. C'était quand l'Comité dès qu'mins se réunit. Il la déhali d'sa pouchette et la mit à sa casaque juste avant le meeting. Je l'vit avec dans Mont-Suzanne iou qui vont refaithe le gutter et ne v'là qu'i n'est pas trop tôt, car vous viyez que les voituzes passe l'à, le saut est assez pour cassé lus springs.