|
J'vouos en prie ergardez la m'sure, De ses talons à sen frouquet, De la p'tite caricature Qu'est si bein nommée un Braquet. Avous oui chu p'tit ba-d'la-goule, Avous oui ses vilains propos? I' caqte et caqte comme un' poule, Et fait pus de brit qu'i' n'est gros. Le v'nin d'la langue de vipere De chu p'tit baloque de braquet, Ferait affront à Gueu le pere; Ch'est comme un moulin à cllanquet. 28/11/1875 S'i' continue à wasser l'monde, Et à faire un itè' tiné, I' faudra l'mettre sus sa bonde Et pâler au chentgni Piné. 29/11/1875 |
Viyiz étout: