Vendrédi, lé 25 dé mars, passant souoxante membres lus rêunîtent dans la Salle Publyique dé St. Martîn pour un jeu d'cartes.
La Ségrétaithe liut lé rapport dé la dreine rêunion, tchi fut accepté, et la correspondance. Chînq nouvieaux membres fûtent êlus.
Les affaithes finies, lé Président mînt l'restant d'la séthée dans les mains de Mde. Bichard, Maître de cérémonies, pour le jeu d'cartes. Y'avait quatorze tabl'yes complietes. À mié la séthée les danmes et mêssieux du Conmité Social servîtent un bouan souper comme tréjous et y'avait des billets pour la râffliéthie à vendre. Auprès, lé jeu continuit et à la fîn Mde. Richard présentit les prix pour les cartes, qu'allaient tous ès danmes, et auprès pour la râffliéthie.
Mde. Bichard èrmèrcyit san conmité et tous qu'avaient aîdgi. Lé Président èrmèrcyit lé Conmité Social et lé Connêtabl'ye pour l'usage d'la salle et tous pour être v'nus.
Les annonces étaient coumme suivant: Jeudi, lé 28 d'avri, un jour en Dgèrnésy, prix £6.25 tout incliu baté, char-à-banc et èrpas à Beau Séjour, vendrédi, lé 6 d'mai, la rêunion mensuelle au Communicare ès Tchennevais, St. Brélade, à 7 heuthes 45, pour les célébrations du Jubilé, y'etha eune rêunion, jeudi, lé 14 d'avri, dans la Salle Pârouaissiale dé St. Jean à 2 heuthes.
1977
Viyiz étout: