Les Pages Jèrriaises

L'Assembliée d'Jèrriais

La reunion generale annuelle

L'Assembliée d'Jèrriais Passant huiptante membres lus rêunîtent dans la Salle Pârouaîssiale dé St. Jean, vendrédi, lé 29 dé septembre, pour la rêunion Générale annuelle.

Les affaithes c'menchîtent par la lectuthe du rapport pour l'année 1976-77 et auprès la Ségretaithe liut lé rapport d'la rêunion générale annuelle dé 1976, tchi fûtent acceptés auvec félicitations à la Ségrétaithe.

Lé Trésôryi donnit san rapport finnancyi pour l'année 1976-77, tchi montrit eune balanche en faveur dé L'Assembliée, pâssant 400 membres ayant payi lus souscriptions. Lé rapport fut accepté auvec félicitâtions au Trésôryi pour san bouân travas.

Les êlections pour l'année 1977-78 suivîtent et n'en v'chîn la liste:-

Président. Lé Sieur J. N. Richard (rê-êlu).
 
Vice-Présidents. Les Dlles. K. Le Boutillier et F. M. Hacquoil, lé Juge R. H. Le Cornu et l'Député G. N. Simon (rê-êlus).
 
Ségtrétaithe. La Dlle. Ruth M. Amy, La Volière, Sunshine Avenue, St. Saûveux (26076) (rê-êlue).
 
Ségrétaithe-Assistant. Lé Sieur Colin Vibert (rê-êlu).
 
Trésôryi. Lé Sieur B. J. Amy, La Volière, Sunshine Avenue, St. Saûveux (26076) (rê-êlu).
 
Trésôryi-Assistant. Lé Sieur C. C. de Gruchy (rê-êlu).
 
Conmité Exétchutif. Mdes. P. Green, P. Hughes et M. J. de la Haye, les Dlles. C. de Gruchy et F. M. Renouf, lé Dr. F. Le Maistre et les Mêssieux C. V. Le Quesne et H. F. Vibert (rê-êlus), la Dlle. Audrey Le Feuvre (êlue).
 
Conmité Social. Mde. M. Le Blancq, lé Sieur L. et Mde. Rondel et lé Sieur P. C. et Mde. Binet (rê-êlus), Mdes. Sophie de la Mare et Hilda Syvret, les Dlles. Audrey Le Feuvre et Ruth M. Amy et lé Sieur Alfred Le Cocq (êlus).
 
Conmité Dramatique. Mdes. M. J. de la Haye, M. Maillard, E. de Gruchy et J. Vautier, les Dlles. H. de Veulle et C. de Gruchy, lé Juge R. H. Le Cornu et les Mêssieux Garnet J. Perchard, S. J. Le Breton, H. Cabot et H. G. de Gruchy (rê-êlus).
 
Conmité d'Rédaction, Publyicâtion et Philologie. Mde. K. A. Le Maistre, lé Dr. F. Le Maistre, lé Sieur George F. Le Feuvre et lé Juge M. G. Lucas (rê-êlus).
 
Auditeurs. Les Mêssieux K. W. Syvret et F. A. Le Maistre (rê-êlus), tchi fûtent èrmèrciés pour lus travas.

Lé Président èrmèrcyit ses officièrs, souos-conmités et touos les membres pour lus support duthant l'année.

Chenn'chîn finissait l's êlections et lé Président fit les annonces - lé jeu d'cartes, vendredi, lé 28 d'octobre, dans la Salle Pârouaîssiale dé St. Jean à 8 heuthes lé sé; les souscriptions sont deues à ch't heu pour l'année 1977-78 et sont acouo 50p par pèrsonne; la Séthée Jèrriaise dé l'Eisteddfod étha lieu sanm'di, lé 12 dé novembre, à l'Opéra à 7 heuthes et d'mie lé sé.

Les divèrtissements pour la séthée 'taient des danses et chansons par lé groupe qui prîns part au Festival du Folklore. Parmi les chansons était Jean, Gros Jean, Au bord d'une fontaine, Mon père m'a donné iun mari et Man bouanhomme est bein malade. La compagnie finit auvec Lé Bouân Vièr Temps, auvec Mde. Eileen Lé Sueur à l'accordéon. Les danses fûtent m'nées par lé Sieur D. Perchard et sa danme, auvec Mde. Carter à l'accordéon. Auprès, des r'mèrcièments et applaudissements à touos qu'avaient aîdgi à faithe chu programme et à Mde. de la Haye pour san travas.

La séthée finit auvec lé Conmité Exétchutif à sèrvi des sannouiches et gâches et café à tous.

Lé Président èrmercyit lé Connétable W. J. Tomes pour la salle acouo eune fais et tous pour être v'nus aîdgi à faithe la séthée un succès.
 

Viyiz étout:

 

 

Les Pages Jèrriaises