Les Pages Jèrriaises

"Saint" Âne

Tch'est qu'a lé pé en drière coumme en d'vant
Long coumme la barbe du Juif èrrant
Et tchi d'meure tout près dé la Baie dé Sa'ns?
Ch'est la Tulipe!

Tch'est qu'a la pâtienche dé Job, qu'en est lé type
Tchi souffre sans braire coup dé bâton ou clyippe,
Et dé tchi n'ou n'f'ra jâmais saûciche ou trippe?
Ch'est la Tulipe!

Tch'est qu'a un biau nom, mais unn' hôriblle vouaie,
Tchi touône les sens ès vaisins à chein qui paraît,
Et êffrite les "danseurs" dans les "Rooms" là tout près?
Ch'est la Tulipe!

Tch'est tchi va aû p'tit pâs, sans sé gêner d'persounne,
Pas seûlemtn dé sa maîtresse, qu'où capuche ou qu'où rounne,
Tchi né s'en fiche pas mal qu'où grounne et grounne?
Ch'est la Tulipe!

Tch'est tchi... Mais, là, à tout y'ià unn'-é-fin,
Et jé fais coumme la bourrique - jé m'arrête en qu'min,
Y'm'semble qu'en v'la assez dé gniolin
Sûs lé compte à Tulipe!

JP
1904?
 

Viyiz étout:

 

Les Pages Jèrriaises