|
Deux amouotheurs enhèrmélés ès mielles tch'y vrédachent, douoillis en eune cliuque dé vrai, ligouaîsent parmi l'melgreu, lus ent'-catouôlent, chuchent achteu entre l'sablion et la chai... Les amouotheurs dgîngnent quandi qu'les mauves vioûlent, châtchun dg'ieux dêhoule sa langue au solé, dêmuche sa pé, ouvre san tchoeu pouor qu'i' n'fiôlent pon l'temps, à prêchi douochement du flianné dé d'si. Et d'puthant d'sueu lus corps lus brâlent; lus côtes sont êcliatchies; i' sont â baî- -nitchi dèrché ès cras et creux. I' môlent à fliot dans un flia d'mielle... Les mauves au dget.
|
Viyiz étout: