|
La bliâse est brâlante; ch'est d'la s'menche ès tchiêsses ès tchênes dêfrâlîndgies. Lus branques, les frouques en haut, lus lanchent, laîssent êcliatchi des clius mouaîsis. Les clios sont cliutés au ciel couèrt d'un lîncheu halé couain' en carre, à mié-muchi les ouothilièrs - des fêsses en sueu coumme un vatard. Des touffets d'néthes corles au froutchet, des brantchettes coumme du pé sus cat, mucries par la bliâse êvaûcruée au ciel, scêllé atout du bra. Geraint Jennings |
Viyiz étout: