|
La ville donne à la campagne La campagne donne à la ville Y s'entre donnent pour compagne Au jeanne garçon la jeanne fille Des presents que la campagne donne V-la ti pas un bieaux matin Qui nous arrive Gui m-pardonne Un peste de ptit aigrefin Il-tait nai dans une bouane ferme Devoit ètre un bouan fermis Mais la nou travailloit ferme Et ch-la n-plaisait pas au fils La pouore trop indulgente mere Avoit elevait sen banbin A-n travailliy pon la terre Pour en faire un Aigrefin Y fut mins dans une ecolle Pour aprendre sen grimoire Mais je vos donne ma parolle Qui n'avoit pon grand memoire Il aimait la fegniantise Et à faire le muscadin Bouan assais à che qui dise Pour en faire un aigrefin Mais chu que j-vins de vos dire Nou le repette touos les jours Et jerois biaux vos ecrire Pour vos dire le contre et l-pour Sou-voulais vées par vous memes D-vier neuf heure touos les matins Un tas d-banbins qui s-promenes Chest la les p-tits aigrefins Il arivent de la campagne Avec lus brès dans lus bottes Par les vaux ou la montagne Nou les r-connois pas les crottes Partout vous les rencontrais Il y en a par touos les q-mins Et la ville est empestais D'un tas de petits aigrefins Pourvu que ch-la continue J-vos d-mande qu-est qu-en s-ra leffet La maintiy s-ra sur la rue Car y n-eront pas d'empliet Y s-raient ben mue dans les terres Que d'ètre a couore par les q-mins Y n'arivera q-des miseres De trop de p-tits aigrefins Y s-ront comme les câts d-la fable Six à guetter un poure rât Quand y l'eront sus lus table Chen s-ra accouo qu-un pouore pliat Mais chest la manie d-achteure D-voulé touos ètre muscadins Y-s-raient ben mue à faire lus beure Les pouore petits aigrefins Faudra bentot pour les plaire Que touos les bouans viers saints hors Le Public qui sait s-n-affaire Dit qui ni gagneroit pas fort Avec les viers nou s-arange Quoi qui soient un p-tit malins Et j'en gagnerions pas au change Que faire les p-tits aigrefins Faut petitionner l'Evèque Qui mette dans la liturgie Une priere et qui la plieche Au bas de la litanie Quil ordonne que nou la lièse Dans l'Eglise touos les matins Pour nous delivrer d-la peste De touos chès p-tits aigrefins Entre vous les bouans fermiers Vou-lous prendre men avis Pour ben elever vos aviers Surtout quand che-s-ra des fils Faites les travailliy les terres Rourstais les touos les matins Y s-ront bouans fils et bouans freres Et vaudront mus q-des aigrefins
NB(?)
|
Viyiz étout: