Les Pages Jèrriaises

Un ABC d'niolîn

J'n'aime pon les
ÂNES, pa'ce qué ches
BÊTES sont,
CRIYIZ-mé, des
DGÈRNÉSIAIS, tchi
ÊPROUVENT dé
FAITHE d'lus mus, mais ayant quat'
GAMBES et n'dithant qué
HI-HAN, i' sont mains
ÎNTELLIGENTS qu'les
JÈRRIAIS, mains qu'les
KANGAROUS tchi d'meuthent
LÀ-bas en Australie, et mains même qu'un
MARMOÛSET tchi fait des grîngnes dans l'zoo.
NOS vaîsîns ont des longues
OUOTHELLES
POUOR ouï les c'mandes sans vouler les obéï,
QUAT' dgéthets pouor codpîser,
REIN du tout dans l'chèrvé
SAUF tchiques rêves dé cârottes
TCHUITES dans un sâsse-paine - en
UN mot, i' n'
VALENT pus rein, et j'm'en vais haler man
WORKMATE pouor les bouochi sus, (ou bein p't-êt' mus un
X), et pis les stoffer à seule fîn d'les exhiber tchique bord où'est qu'i'
Y'a des spécimens
ZOOLOGIQUES.

 

Viyiz étout:

 

Les Pages Jèrriaises