B ch'est pouor lé Bouais.
Et les bieaux frits qu'nou tchil'ye

C ch'est pouor lé Cat,
Confortabl'ye au coin d'âtre

D ch'est pouor l'Docteu
Tchi opéthe au thiâtre

E ch'est pouor l'Êtaile
Tchi lit si cliai dans l'ciel

F ch'est pouor la Fielle
Tchi craît si vèrte et belle

G ch'est pouor lé Gardîn,
Remplyi dé pliantes et bouais

H ch'est pouor l'Hivé,
Quand i' fait si fraid

I ch'est pouor l'Ieau
Qu'nou vait entouor Jèrri

J ch'est pouor Jèrri
Et ch'est ichîn qué j'sis

K ch'est pouor lé Kangarou
Qu'nou n'vait qu'en Australie

L ch'est pouor lé Liet:
Nou-s-y dort coumme un pourpais

M ch'est pouor la Maîson
Oùest qu'nou-s-est siez-sé

N ch'est pouor la Né
Tchi n'tchait qu'rarement siez nous

O ch'est pouor l'Ouaîsé
Tchi est si p'tit et doux

P ch'est pouor la Patate
Tchi est, siez nous, Rouoyale

Q ch'est pouor lé Quétot:
Mais est-i' vraîment sale?

R ch'est pouor la Reine
Tchi règne sus nous heutheuse

S ch'est pouor l'Solé
Tchi caûffe nos grèves sablieuses

T ch'est pouor la Tchaîse
Oùest qu'nou s'aime s'èrposer

U ch'est pouor l'Us
Qu'nou freunme auve eune clié

V ch'est pouor la Vaque
Tchi nos donne dé bieau lait

W ch'est pouor l'Whisky
Qu'aiment les Êcossais

X ch'est pouor l'X-ray
Qu'nou-s'èrchait à l'Hôpita

Y ch'est pouor l'Yi
Tchi vait tout ch'qu'i' y'a

Z ch'est pouor lé Zèbre:
Un tchuthieux annima
Tchi finnit l'ABC
Qu'j'espéthe est sîmpl'ye pouor té!