Les Pages Jèrriaises

L'Alphabet en Jèrriais

A pour Achocre tchi n'peut êpeler san nom;

B un Bachouard tchi s'tchulbute dans l'valon;

C pouor Chagorne, un dêrangi d'esprit;

D un Dêcompteux, tchi n'peut pon s'èrdgethi;

E nouos donne Emânue - j'en connais toute eune foule;

F un Fliann'teux, vuldgaithement bailleux d'goule;

G un Goumitre tchi fait dgiex r'pas par jour;

H un Happe-la-leune tchi s'endort dans les chours;

I fait Ingnot - y'en a hardi en Jèrri;

J un Jingouais, tréjous prêt à cratchi;

K ch'est du Grec (ou bein est-che dé l'Allemand?);

L un grand Lobre, un bouistré d'fainiant;

M êpelle Motcheux - janmais un moussieu;

N un Nâdgeux tch'est mus a san tout seu;

O est un Olympe - j'en connais un tas;

P un Pièrcheux tchi n'fait pon san travas;

Q pouor Quétot - nou-s-en trouve à St Jean;

R un Ritonneux j'les vèrrais tous d'bran;

S nouos donne Snotcheux, un salope finni;

T un Tout-s'mêle tchi s'met souvent l'dé dans l'yi;

U un pouor Usurpeux, comme les Angliais dans l'Ile;

V un Vacâbond dans la prison en ville;

X, Y et Z - les trais dreines lettres du lot.
Né sont nulles populaithes dans nouot' vièr lingo!

 

FLM

 

Viyiz étout:  

Les Pages Jèrriaises