Les Pages Jèrriaises

Maistre Wace

Dans l'Vièr Marchi

Lé poète nouormand Wace - Maistre Wace, comme i' s'appelle li-même tchiquefais dans ses vèrsets - fut né en Jèrri au 12 ième.siècl'ye. Autant qu' nou-s-en sache, i' vivait d'vant 1135 et 'tait acouo pliein d'vie en 1174. I' pathaît qué cèrtains dotchuments donnent lé nom d'fanmil'ye Wace (ou Guace) comme étant bein êtablyi dans l'Île à ch't' êpoque-là, ouaithe qué la grand' partie des gens du 12 ième. siècl'ye né fûssent connus qu' par un p'tit nom. Pus tard nou trouve lé nom Vasse ou Wace mentionné souvent assez dans les r'cords dé Jèrri, et ch'la jusqu'à la fin du 16 ième. siècl'ye.

Dans tchique temps dans sa jannèche Wace fut env'yé à Caen pouor être êdutchi, et i' restit probabliément eune partie d'sa vie en Normandîe, à êcrîthe comme gângne-pain. Il écrivit gentiment d'tchi, mais ses pus fanmeuses poésies fûdrent lé Roman de Brut et lé Roman de Rou -les deux dé grand' valeu hîstorique. I' fut "clerc lisant" à Caen et il eut des grands succès, étant rêcompensé sustout par lé rouai Henri II. Mais, pus tard dans la vie, dans sa vieillèche à Bayeux, i' r'dévînt pauvre et dêcouothagi et il est tout probabl'ye qué ch'tait là tch'i' mouothit.

 

Se l'on demande qui ço dist,
qui ceste estoire en romanz fist,
jo di e dirai que jo sui
Wace de l'isle de Gersui,
qui est en mer vers occident,
al fieu de Normendie apent.
En l'isle de Gersui fui nez,
a Chaem fui petiz portez,
illoques fui a letres mis,
pois fui longues en France apris;
quant jo de France repairai
a Chaem longues conversai,
de romanz faire m'entremis,
mult en escris et mult en fis.
Par Deu aïe e par le rei
--altre fors Deu servir ne dei--
m'en fu donee, Deus li rende,
a Baieues une provende.
rei Henri segont vos di,
nevo Henri, pere Henri. (Roman de Rou III 5299-318)

 

Viyiz étout:

 

Les Pages Jèrriaises