|
Happèz vos frouques mes garçons! Ne v'là la mer qu'est quasi basse, Si j'nos tenons dans nos maisons, À nos landrer, la marèe s'passe. Il y-a du vraic pourtant au pllein Si nou-s-en veurt, i' n'y-a qu'à prendre. Ah! chu buon vraic, nou l'sent dé llein, Havo! N'en v'lo! J'pêq'rons le vraic qui fait la chendre. Houras! Si l'temps est freid, j'nos êcauff'rons; Un buon vraiqueux n'craint pon d'môture; Allons, valets, jé travaill'rons: Si l'iaue nos veint à la cheinture, À nos fouèes d'plize je nos r'seq'rons. De chu buon vraic i' n'y-a qu'à prendre; Vite en herneis et j'en pêq'rons! Havo! N'en v'lo! J'pêq'rons le vraic qui fait la chendre. Houras! À tig' de corps, à flleur de bras, I faut chaquun fouir sa carre; Du labuoreux, le dur travas Vaut chent feis mus que d'l'or en barre. I n'y-a pon d'vraic pour les piercheurs, Mais il y-en a pouor qui veut prendre. Houras, houras, pouor les vraiqueurs! Havo! N'en v'lo! Pêquons le vraic qui fait la chendre. Houras! A.-A. L. G. |
Vèrsion modèrnîsée:
|
Happez vos frouques, mes garçons, Né v'là la mé tch'est quâsi bâsse. Si j'nos ténons dans nos maîsons, À nos landrer la mathée s'pâsse. I' y'a du vrai pourtant au pliein Si nou-s'en veurt i' n'y'a qu'à prendre! Ah! chu bouôn vrai, nou l'sent dé liain, Havo! N'en v'lo! Ah! chu bouôn vrai, nou l'sent dé liain, Havo! N'en v'lo! J'pêqu'thons lé vrai tchi fait la chendre. Houras! Houras! Houras! Si l'temps est fraid, j'nos êcaûff'thons; Un bouôn vraitcheux n'craint pon d'môtuthe. Allons, valets, jé travâl'lons. Si l'ieau nos veint à la cheintuthe, À nos fouées d'plyîse jé nos r'sequ'thons. Dé chu bouôn vrai i' n'y'a qu'à prendre! Vite en hèrnais et j'en pêqu'thons, Havo! N'en v'lo! Vite en hèrnais et j'en pêqu'thons, Havo! N'en v'lo! J'pêqu'thons lé vrai tchi fait la chendre. Houras! Houras! Houras! À tigue dé corps, à flieur dé bras, I' faut châtchun foui sa carre. Du labouotheux, lé dû travas Vaut chent fais mus qué l'or en barre. I' n'y'a pon d'vrai pouor les pièrcheurs, Mais i' y'en a pouor tchi veurt prendre. Houras! houras! pouor les vraitcheurs, Houras! Houras! Houras! houras! pouor les vraitcheurs, Havo! N'en v'lo! Pêtchons lé vrai tchi fait la chendre. Houras! Houras! Houras! |
Vèrsion d'Magène:
|
Happez vos frouques, mes garçons, Né v'là la mé tch'est quâsi bâsse. Si j'nos ténons dans nos maîsons, À nos landrer la mathée s'pâsse. I' y'a du vrai pourtant au pliein Si nou-s'en veurt i' n'y'a qu'à prendre! Ah! chu bouôn vrai, nou l'sent dé liain! Ah! chu bouôn vrai, nou l'sent dé liain! Havo! N'en v'lo! Havo! N'en v'lo! Ah! chu bouôn vrai, nou l'sent dé liain! Havo! N'en v'lo! Havo! N'en v'lo! J'pêqu'thons lé vrai tchi fait la chendre! Houras! Si l'temps est fraid, j'nos êcaûff'thons; Un bouôn vraitcheux n'craint pon d'môtuthe. Allons, valets, jé travâl'lons. Si l'ieau nos veint à la cheintuthe, À nos fouées d'plyîse jé nos r'siqu'thons. Dé chu bouôn vrai i' n'y'a qu'à prendre! Vite en hèrnais et j'en pêqu'thons, Vite en hèrnais et j'en pêqu'thons! Havo! N'en v'lo! Havo! N'en v'lo! Vite en hèrnais et j'en pêqu'thons! Havo! N'en v'lo! Havo! N'en v'lo! J'pêqu'thons lé vrai tchi fait la chendre! Houras! À tigue dé corps, à flieur dé bras, I' faut châtchun foui sa carre. Du labouotheux, lé dû travas Vaut chent fais mus qué l'or en barre. I' n'y'a pon d'vrai pouor les pièrcheurs, Mais i' y'en a pouor tchi veurt prendre. Houras! houras! pouor les vraitcheurs, Houras! houras! pouor les vraitcheurs! Havo! N'en v'lo! Havo! N'en v'lo! Houras! houras! pouor les vraitcheurs! Havo! N'en v'lo! Havo! N'en v'lo! Pêtchons lé vrai tchi fait la chendre! Houras! Havo! N'en v'lo! Havo! N'en v'lo! Houras! houras! pouor les vraitcheurs! Havo! N'en v'lo! Havo! N'en v'lo! Pêtchons lé vrai tchi fait la chendre! Houras! |
Viyiz étout: