Anomalie!

L'autre jour, les Pulentchièrs d'mandaient en vain
D'être exemptès du service militaithe,
A cause du vraic qui taillent ou pêquent au pliain
Et d'tchi qu'les terres ont un si grand besoin...
Le Tribunal erfusi lus priéthe!

Et pis, dans les Etats, j'ouïons des orateurs
Supplier l'monde "de ramasser pus d'vraic,
Car les guanos d'ach'teu n'ont pus la même valeur..."
Mais faudrait don nos laissi nos vraitcheurs.
Car jamais, vraic tout seu n's'est ramontè.