Les Pages Jèrriaises

Chanson des Vraicqueurs du Pulet.


Air: Old Cockrobin

Lé vrai

Tchès qui fut saisi dans l'Pulet
Une heuthe d'vant l'mèr à sec,
A chergi de chu biau collet ?
Ch'tait l'Frainque de Lecq.

Choeur :
Touote la paraisse de St. Ou
S'en fut vais Phillipe éttouot
Pouor ly d'mander si pouvait le libérer,
Pouor ly d'mander si pouvait le libérer.

Tches que ch'té qui l'saisi
Ch'tait chu fameux Jean Vautchi,
Ch'est là l'homme l'pus hardi
Pouor vos saisir.

Touote la paraisse de St. Ou
S' en fut vais England éttouot
Pouor ly d'mander si pouvait le libérer,
Pouor ly d'mander si pouvait le libérer.

Tchès qu'est l'sien qui le libèthi,
L'buan chef Le Boutillyi ;
Ch'est là l'homme pouor vos aidji
A vous clairgi.

Touotes les femmes de Portinfer
S'en fûtes sièz Moussieu Pépin,
Pouor ly dithe que l'Frainque de Lecq
V'nait d'être libéré.

GEORGE.

 

Viyiz étout:

 

Les Pages Jèrriaises