|
Tandi qu'la tèrre s'touônne acouo, Tandi qu'lé solé lit, Donne, oh Seigneu, à châtchun Un mio d'chein qu'il a mantchi: Au couard, donne un bouôn j'va, Au penseux, donne un chèrvé, Au chanceux, donne tchiques hèrpîns, Et s'i' t'pliaît, tchiquechose pouor mé. Tandi qu'la tèrre s'touônne acouo, Oh Seigneu - tan pouvé! - Laîsse ès pus ambitieurs Lé goût d'nos gouvèrner, Donne au génétheux du r'pos Jusqu'à la fîn d'la journée Donne d'l'èrpentance à Caïn.... Et s'i' t'pliaît, tchiquechose pouor mé. Jé crai, mé, qu'tu'es tout piêssant, Jé sai qu'tu peux tout accomplyi, Coumme un soudard tué en batâle Crait qu'i' d'meuthe au paradis, Coumme touos les fidèles êcoutent Tes patholes chuchotées, Coumme j'criyons, nous, auve not' fouai, Sans saver chein qu'nou-s'a fait Jé t'aime dé tout man tchoeu Seigneu, oh man Doue! Tandi qu'la tèrre s'touônne acouo - V'là tchi lî sembl'ye êtrange étout - Tandi qu'i' lî restétha acouo Assez d'feu et d'années, Donne à tout l'monde un p'tit brîn... Et s'i' t'pliaît, tchiquechose pouor mé. Bulat Okudjava Vèrsion Jèrriaise par Geraint Jennings |
Viyiz étout: