|
Je vos ai souvent pâlet de vieille fille, Acheteu je m'en vais vos pâslé du vier garçon; Mé, m'nideais sçait qui sçais tous à l'azile Pour les amené au bouan sens et à la raison. Car y faut qui sçais mal, à m'nidaie, Pour laissi les filles comme y fond. Les pouores filles qui voudrais être mathiés, Et vais tant d'hommes être vier garçons. Yian a qui pensent qu'à lus ordgiyi; Quand y sortent, y faout des heuthes à lus grès; Je voudrais savé pour piaithe à tchi, Puisque y n'ont pas de femmes à les vais. Yian a d'autres qui hante eunne fille Sans jamais l'y pâslé d'la mathié, Et quand la mèthe dit v'nous pour ma fille? Y tchitte pour jamais n'y râlé. D'autres vont à toutes les Chapelles Pour bieintchi, s'neintchi et pour vais; Y vont avec touts les p'tites hardelles, Qui d'meuthe yien ou qui d'meuthe près. Yien a yieun qu'a eunne belle maison, Ch'est justement comme eune châté, Et il est là chu pouore vier tison, A strick marchi du matein au sé. I a eun gardein remplit dé fleurs, Ch'est justement comme eunne "nursery." T'chîna est bein d'avé de bouannes soeurs, Car y n'prend pas seulement le temps de s'graté. Yian a eune autre qu'a attendu trop longtemps. Y devthait acheteu être grand papa; Nou n'ly donnait pas pus de trente ans Et pourtant il a deux fais trente et extra. Yian a yieun qu'accate eune maison; Touos les vaîsins craient qui s'en va s'amithé. Nou z'attend longtemps et pis ne vla ti pon Que n'ou vait sa maison qu'est à loué. T'chîna voudrait trouvé eunne veuve, Mais il a bieaux cherchi, y n'peut la trouvé; Mé, j'dit: Laissis les pouores p'tites veuves... Depis qui yia tant de filles à mathié. Yian a yieun qu'a de belles grandes serres, Nou dit dé li qu'il est presque sus l'pus, Le temps passait nou l'viyait dans sa querre, Quand il allait vendre san bieaux verjus. Mais acheteu jamais n'ou n'lé vait, Y reste tout seu dans sa belle grande maison; Je sis seuse qui voudrait être bein mathié, Mais il est trop tard man pouore vier garçon. Chein qui conole le pouore triste vier garçon Ch'est qui ne sça pas jamais veuvi, Et sa pus grande et ferme consolation, Ch'est s'il a des sou y peut s'faithe soigni. Y s'fait soigni pas des gens qui hélas! Prierons le Onziemme Commandement - Qui dit: Veurt si vite comme tu pourras; Afin que nous hésitions promptement. As-tu oubliait, man pouore buzard, Que ch'est l'union qui fait la forche? Si tu attends trop longtemps y sça trop tard Et sça té qu'en éthas les r'proches. Car pour être heureux - Il faut être deux. Livonia |
Viyiz étout: