|
La vèrte leune, cliaithe, camprie dans les constellâtions d'orangièrs, limonnièrs, avocatchièrs, bouôlias, trélûthe auve sa trivelaine d'argent'tie ès limons, embliûtre coumme eune orange, ment coumme un avocat. Et la vèrduthe leunaithe entouortil'ye ses cratéthes; les cratchillons y craîssent en toute trantchilité. Les graines mouaîsies d'ponsi fliottent dans la Pouochinniéthe où'est qu'les conmètes à myi en puchent eune saûpoudrée. Toutes les vèrtes leunes, ou meut d'peurchons et d'leunmîngnons, couochie d'un mar Martien tchi d'puthe dé Jupitèr, dé ch't' êtaile êtampée, meûthe coumme un potithon endgèrrué au meûgl'ye ès cieux campris et vèrts. Geraint Jennings |
Viyiz étout: