Les Pages Jèrriaises

Tén assinne, Mad'mouaîselle

Tén assinne, Mad'mouaîselle, rigu'thait un fliottîn dg'ièrs,
rêvilyis au solé et douothant d'or tes louêmes.
Tes vailes voltil'yent ès côtes; les cartchaîthons d'vailièrs
clyinn'tent dé corps et couronnes escliavés pouor ta dgiême.

Mad'mouaîselle, escliave-mé et j'portéthai tes fièrs,
et fo souos tan pouver, encafoté d'tes mains,
mén av'nîn s'sa tes d'mains et j'èrnonch'chai mes hièrs,
et toute ma libèrté n'mé sèrvitha d'aut' rein.

N'y'étha pon d'vent en mé, sans qué j'sais hors d'haleine;
tan solé né s'lève pon si jé n'veins pon ni t'sèrs;
tes frégates frangu'thont l'ieau à la sîl'ye dé ma couenne;
tu n'éthas pon d'assinne si jé n'rigue pon tes sièrs.

Geraint Jennings

 

Viyiz étout:

 

Les Pages Jèrriaises