Les Pages Jèrriaises

J'dithai à M'mèe

I'll tell me ma




J'dithai à M'mèe, d'èrtou siez mé;
Les garçons fîtent un tas d'mêché,
Les garçons halîtent sus mes g'veux,
Les garçons prîntent man dêmêleux.

La douoche des douze Pâraîsses, ch'est lyi -
Oulle est la belle dé St. Hélyi.
Ou va s'prom'ner - ieune, deux, trais.
Dis-mé, s'i' t'pliaît, tchi qu'oulle est.


Les garçons s'entr'-battent pouor san tchoeu,
Châtchun veurt êt' sén amouotheux.
I' sonnent la clioche, i' tappent à l'us,
Dithant “Bouônjour, ma douoche, m'aime-tu?”

La douoche des douze Pâraîsses, ch'est lyi -
Oulle est la belle dé St. Hélyi.
Ou va s'prom'ner - ieune, deux, trais.
Dis-mé, s'i' t'pliaît, tchi qu'oulle est.

Ou va s'prom'ner blianche coumme d'la né,
Des clioches ès pids, des bagues ès dés.
Nou dithait qu'ou s'en va mouothi
Sans happer l'chein au tchoeu ligi.

La douoche des douze Pâraîsses, ch'est lyi -
Oulle est la belle dé St. Hélyi.
Ou va s'prom'ner - ieune, deux, trais.
Dis-mé, s'i' t'pliaît, tchi qu'oulle est.

D'èrtou siez lyi ou n'ditha rein
Entouor lé garçon qu'oulle aime bein,
Lé chein tchi prînt san dêmêleux,
Lé garçon tchi volit san tchoeu.

La douoche des douze Pâraîsses, ch'est lyi -
Oulle est la belle dé St. Hélyi.
Ou va s'prom'ner - ieune, deux, trais.
Dis-mé, s'i' t'pliaît, tchi qu'oulle est.

 

Viyiz étout:

 

 

Les Pages Jèrriaises