|
Y'avait trais sonneurs tchi vîntent au mangni; I' chantaient bas et i' chantaient haut; Pouor la Danme i' chantaient la vielle histouaithe Entouor la Danme siez les p'tits faîtchieaux. Et oulle êcoutit lus vouaix si cliaithes, Ou halit ses gants, ses cauches et san fro, Ou halit ses ribans, ses bagues et ses bliouques, Et ou s'n'allit auve les sonneurs siez les p'tits faîtchieaux. Lé Seigneur rentrit à san mangni, Mais n'y'avait pèrsonne dans san liet si caud. Les sèrveurs lî dîtent qué sa Danme 'tait horte: “Oulle est horte, oulle est allé siez les p'tits faîtchieaux.” Lé Seigneur montit sus san p'tit blianc j'va; Il allit trouver sa Danme au galop, Au Nord, au Sud, à l'Êst et au Vouest, Pouor trouver sa Danme siez les p'tits faîtchieaux. Et i' galopit par les mielles et bouais, I' galopit par les prés et clios, Et i' vit et i' ouït sa Danme enfîn À danser et à chanter siez les p'tits faîtchieaux. “Pouortchi qu'tu m'tchittis?” lyi dit lé Seigneur, “Pouortchi qu'tu tchittis tes bieaux jouéyaux? Pouortchi qu'tu tchittis tes tèrres et tes sou, Pouor danser et pouor chanter siez les p'tits faîtchieaux?” “Jé n'veurs pus mes tèrres, jé n'veurs pus mes sou, Jé n'té veurs nitout, j'té dis à bétôt, Jé n'veurs pus mes bagues ni mes bieaux habits, J'ai trouvé mén amour siez les p'tits faîtchieaux.” |
Viyiz étout: