|
La clyiqu'thie, l'êcliaqu'thie des reues du train tchi craûle au pourportant des vîngnes, des preunièrs et des tas; Au bord d'la riviéthe, un pêtcheux tcheint sa vaûle; lé solé êtînchelle dans les fielles du bouôlias. Les lisiéthes dé maïs sont rôtis au solé; les cliôsées à l'entou - eune ouaînée d'marmélade; les blius copieaux des monts fliottent avaû la vallée des cotonnées d'coutchieaux tchi copent les nouages en rade. Les preunes nées dans chu pourpre d'empéreur Byzantîn à picoter l'pâssage du train à trique-marchi ont teint des riches couleurs, ont couronné lé c'mîn êcliatchi d'êtînchelles et d'toute chutte clyîncâl'lie. Geraint Jennings 2010 |
Viyiz étout: