Les Pages Jèrriaises

En Sèr

Par la douoche piétinn'nie ès j'vaux,
les vainnes vont pianne-pianne par les c'mîns;
la rueûtchie d'tracteurs font des rouaux
dans l'pité. Souos un ciel vèrrîn

v'là l'geon d'acyi à abrier
en d'valant à l'Êpèrquéthie;
êcliatchi d'crème à envitouer,
du chuchet soûffl'ye en frâses et myi,

crouaîsant un clios d'crottîn d'brébis.
Chutte riche êtchuivée d'odeurs valent
mus qu'eune bollée d'crabîn au riz...
Et par les c'mîns les bikes clyîncâlent.

Geraint Jennings

Au Festival Sèrtchais dé Folk 2017

 

Viyiz étout:

 

Les Pages Jèrriaises