Les Pages Jèrriaises

Un bouossé d'tabouothinn'nie

Un bouossé d'tabouothinn'nie
bait à m'assoti;
j'y tchil'ye des sons sans finni
dé ch't Êté rôti.

Eune racachie d'cauds sounneurs
craûlent à ch't' arlévée,
quandi qu'i' ventent, les couleurs
et côtes adentées.

Lus chants tchaient l'tou des rotchièrs,
les tambours moulinnent
en murmuthant des baîsièrs -
l'bécot tabouothinne.

Geraint Jennings

Au Festival Sèrtchais dé Folk 2017


 

Viyiz étout:

 

Les Pages Jèrriaises