|
Un riche gueux! Un riche gueux! Y-a-ti' rein de pus orguilleux? Chaque matin, il aime à dire, Me j'ai le pllaisir d'en rire "A chaque daigt un souverain Il a pendu à chaque main." Il est bein seûr une grand' bête, Sans aucun esprit dans la tête; Il est bein seûr un fier bachouard, Un cracheux, finailli busard; Portant i' voudrait faire accrere, Qu'i' n'est pas de la ptite biere: Il est comme un poux sus du vlous, I veurt cmander par dessus tous; I met ses deux mains dans ses braies, Se rengorge comme les ouaies; S'crait quiq'chose de merveilleux, Et tout l'temps n'est qu'un riche gueux; De ses sous fait grand êtalage, Est bruta' grossi' de language: Enfin pour en finir d'un mot, Il est un gueux, il est un sot. PL 3/5/1878 - 20/5/1878 |
Viyiz étout: