Tchêqu'i fait qu'nou n'mé salue pus,
Et qu'j'ail' n'ya pas d'soin yoù,
Nou s'touann' la têt' pour né m'vais pus?
Chêque ach't-heu j'n'ai pus l'sou!
Tchêqu'i fait qu'quand j'n'en avais qu'fair'
Nou m'rigalait bieaucoup,
Et qu'engnièt ch'est toute autre afair'?
Chêque ach't-heu j'n'ai pus l'sou!
Tchêqu'i fait qu'châtchun né m'fait pus
La bain-v'nu', n'import' yoù,
Et qu'nou m'erché seul'ment à l'hus?
Chêque ach't-heu j'n'ai pus l'sou!
Tchêqu'i fait qu'corps-d'âm' n'vain pus m'vais,
Et qu'nou n'd'mand' pus en-tou
Pour ma santè, coum' ch'tait aut' fais?
Chêque ach't-heu j'n'ai pus l'sou!
J.D.R.
|
