|
Betsy! c'hêque tu'as à nos bailli Pour le dênné annièt, E-raiche acquoi coumme Mescredi T'n'înfâmme Soupe de Poithai? N'en v'la, j't'le dit assaièe De tout ten gniolin. J'enne veux pus d'tès bollaièes Vite! le Boeu et l'Poddin! D'pis un an c'h'est la même musique, Faut-'i t'l'erdithe acquoi? Oui, si j'allais à chutte Chronique J'leûs teurterais le cô! Et té, buzarde que tu'ès De craire à lus gnolin, J't'lé dit pour la chentième fais, Vite! le Boeu et l'Poddin! I'y'a vengt ans que j'sommes mathièes, J'ammais j'n'avons 'ieu d'brit, Car souvent et jusqu'à ch't'annèe Tu m'baillais du rôti. Mais a'ch't'heuthe d'la Soupe de Poithai Chinq fais la s'maine ichin! C'h't'lé dit qu'j'en sis ânnièt, Vite! le Boeu et l'Poddin A êcouté tout ten blairné, N'ou 'sai tentaiès d'le craithe, Que d'la ville au vier châté C'h'est l'ermiède des bouanes mèthes. Dis-mé toute la véritai? Tu pense à tes herpins En m'bailliant d'la Soupe de Poithai Au lieu d'Boeu et d'Poddins! Ouès-qu'ès l'Almana d'la Nouvelle Que j'le fiche au feu! A l'avenîn le chèn d'la Vielle Setha ichîn tout seu! Et soigne-zi, si j'ammais j'ervai De ta Soupe devant mé J'ouvrirai la f'nêtre, ma fé, Et j'quutte tout dans l'kanné!!
Carlo |
Viyiz étout: