|
Un radgîn dans la huthe, les huthieaux à r'tchulons d'èrtou à la natuthe siez l'Phénix à Pliémont. J'êpyie eune fliambe d'espé, man tchoeu en est hétchi; man d'si, rouoge coumme du fé, à brûler au Bêtchi. La fouée a l'fièr affi aidgu dé L'Aidgillon; y'étha du feu d'satchi pouor l'Phénix à Pliémont. Dé la Grève ès Bantchets à la Grève au Lanchon: eune veue à trélûther, ch'est l'Phénix à Pliémont. Du chînment et des chendres, des mios et des maîsiéthes la vèrduthe est à vendre lé prix est d'la renchiéthe. Les agueneurs vadléthandent lus temps et lus profit; j'viyons pus cliai ès landes à la lueu du Bêtchi. Ches d'lacres sont achéthinnes; not' d'vé y'est empêtchi; lé geon a des réchinnes pouor atoter l'Bêtchi. Slîndgons un co d'satchet; satchons la pièrre à feu; Pliémont s'sa not' atchêt, not' contchêt d'amouotheux Ch'est d'èraver lé d'sèrt et d'haûchi les brandons auve lé fiêset, la pièrre, et l'Phénix à Pliémont Nou veurt, nou vresse, nou vait lé bonheur dans l'brûlon et la bieauté tch'èrnaît: not' Phénix à Pliémont Geraint Jennings 2012 |
Viyiz étout: