Les Pages Jèrriaises

Tout chein qué j'veurs pouor man Noué...



Y'a sans doute des hainitcheurs muchis dans tchique carre mié-oubliée d'la pâraisse dé Grouville tchi n'aiment dgéthe mangi à Noué - ofûche raîque deux-trais buts d'céléri et un crôtîn d'pain à chuchi, auve dé l'ieau d'la fontaine pouor baithe la santé d'la Reine, not' Duc, quand ou fait san discours dé couôteunme. Mais pouor lé restant d'nous, ché s'sa du chocolat, des chucrîns, des saûciches, des gâches, acouo du chocolat, du picot, du grévîn, des chours d'Bruxelles, acouo du chocolat, des brueûques et des pâtich'chies, lé tout arrouôsé atout des boutillies d'vîn, d'litcheu, d'champangne et tout chenna. Ch'n'est pon ravissant qu'Papa Noué a un ventre coumme un connêtabl'ye, s'i' mange san dînner d'Noué à Grouville!

Mais l'miyeu fricot d'Noué dait êt' lé podîn. Y'en a tchi font lus podîn à ieux, en r'muant la bollée d'îngrédgiens atout lus tchulyi en bouais, et si les cheins d'la Santé et la Seûth'té n'sont pon à êpier, y'a ofûche des mousses tchi sont acouo alloués d'litchi la bolle...

Mais l'èrchette du podîn d'achteu est pustôt du podîn Angliais. Lé podîn d'Noué tchi 'tait traditionnel en Jèrri 'tait un podîn d'flieu. Et né v'chîn l'èrchette. 

L's îngrédgiens:


Nou peut ajouôter dé l'ieau d'vie d'cidre ou du couongnac. Mêlez tout ensembl'ye dans eune bolle épis vèrsez l'mêlange dans eune podinniéthe bein graîssie. Tchuithez lé podîn à l'ieau un coupl'ye d'heuthes.

Nou peut faithe lé podîn Jèrriais à la dreine minnute, mais mus vaut l'mangi fraîchement bouoilli – chu podîn né s'garde pon bein, ni bein longtemps nitout!

 

Viyiz étout:

 

 

Les Pages Jèrriaises