Eune Gâche dé Noué
l's îngrédgiens:
- eune livre ou chîn chents granmes dé corînthes
- siêx onches ou chent septante-chîn granmes dé gros raisîns
- siêx onches ou chent septante-chîn granmes dé raisîns
- deux onches ou chînquante granmes dé tchoeurs scandis hadgis
- deux onches ou chînquante granmes d'êcorche d'limon scandie hadgie
- trais tchul'lées d'couongnac
- huit onches ou deux chents vîngt-chîn granmes dé flieu
- d'la muscade
- d's êpices
- huit onches ou deux chents vîngt-chîn granmes dé beurre (sans sé)
- huit onches ou deux chents vîngt-chîn granmes dé jaune chucre
- quat' gros oeufs
- deux onches ou chînquante granmes d'almandes hadgies
- eune tchul'lée dé m'lasse
l'èrchette:
Vèrsez les frits et l'êcorche dans eune bolle et ajouôtez-y l'couongnac. Dêmêlez bein et laîssiz eune niétchie.
Lé matîn, caûffez l'fou à 140°C (275°F). Craînchiz la flieu et l's êpices dans eune bolle. Dans eune aut' bolle, d'battez bein l'beurre et l'chucre et vèrsez-y douochement l's oeufs d'battus. Dêmêlez bein et ajouôtez l'mêlange dé flieu et pis les frits trempés et la m'lasse.
Transféthez l'mêlange dans eune lachefraie protégie d'papi, et m'ttez au fou pouor au mains quat' heuthes et d'mie.
Quand la gâche a 'té coutchie, laîssiz-la r'fraidgi. Pitchiz la gâche atout eune p'tite broche et vèrsez deux d'gouts d'couongnac dans les creux. Gardez la gâche dans eune tinne, en y'ajouôtant du couongnac dé temps à aut' jusqu'à ch'qué nou la mange.
Viyiz étout: