Les Pages Jèrriaises

NICO.

Ah, men Nico, t'en r'souveins-tu?
Il y-a de ch'la bein des années,
Tu étais jeune, et fort, et du,
Rein n'te lassait à tes journées:

Achteu, Nico, tes ch'veux sont gris,
Tu te faillis, ta forche est horte,
Tu t'traînes à peine sus tes pids,
Tu ne sors pus de d'dans ta porte.

Ah, men Nico, j'en avons veu
De bein des sortes dans not' vie,
La jouée changie souvent en deu,
Flieur êpanie sitôt ravie.

Hélas! je n'soumes que ponsi
Q'par-chin, par-là, la brise soufflle;
Nou n'est que nés qu'la mort occit;
Car notre vie, che n'est qu'un soufflle.

Ah, men Nico, pour touos les deux
La course s'ra bétôt parée,
Car à notre âge, il est bein seux
Qu'ou s'ra achteu de p'tit d'durée

J'nos soumes tréjous tint la main
Montant ou d'vallant dans la vie;
Et quand j'dirons au monde à d'main,
Je n'érons pus de tracach'rie.

 

Viyiz étout:

 

Les Pages Jèrriaises