 |
 |
 |
 |
 |
 |
I' vos faut les choses suivantes pour faithe du nièr beurre:
|
Un bachîn |
small preserving pan |
|
|
|
|
Eune pêle, peile ou paile |
large preserving pan |
|
|
|
|
Un rabot |
long-handled stirrer |
|
|
|
|
Des pommes douôches |
sweet apples |
|
|
|
|
Des pommes suthes |
sour apples |
|
|
|
|
Du cidre |
cider |
|
|
|
|
Rigolisse ou ricolisse |
liquorice |
|
|
|
|
D's êpices |
spices |
|
|
|
|
Des limons |
lemons |
|
|
|
|
Un pot à lait |
a milk crock |
|
|
|
|
Un pot à g'lée |
jamjar |
|
|
|
|
Du papi |
paper |
|
|
|
|
Des bandes elastique |
rubber bands |
|
|
|
|
Eune tchulyi en bouais |
a wooden spoon |
|
|
|
|
Du chucre |
sugar |
|
|
|
|
Un trépid |
large trivet |
|
|
|
|
Des chouques |
logs |
|
|
|
|
Des alleunmettes |
matches |
|
|
|
|
Eune pouque mouôllie |
a wet sack |
lé Nièr Beurre 
La preunmié chose est dé p'ler les pommes, qu'est d'habitude fait par eune dgaingue dé femmes, tandi qu'les hommes font un bouon feu dans l'âtre et mettent lé cidre a bouoilli dans la pêle sus l'trépid.
I' faut au mains douze cabots d'pommes ou même pus si ch'est eune toute grand' péle pour faithe du nièr beurre.
Quand lé cidre a bouoilli assez pour aver diminué par la maintchi nou c'menche à ajouôter les pommes, les pommes douôches les preunmiéthes.
Ch'est ichîn qué nou c'menche à rêmouer, et a m'suthe qué les pommes tchuisent nous en ajouôte d'autres, rémouant tout l'temps.
Eune fais qué toutes les pommes douôches sont tchuites nou c'menche à ajouôter les suthes. Tout chennechîn peut prendre vin' quatres heuthes.
Quand i' sembl'ye qué lé nièr beurre c'menche à s'faithe - nous ajouôte du rigolisse et pis lé jus d'limons et tchique temps auprès quand il est tchuit, la pêle est hallée dé d'sus l'trépîd par quatre forts hommes auvec des pouques mouôllies à la main et mînse sus l'fond d'l'aithe.
L's épices sont ajouôtées et pis l'chucre et ch'est moué pour acouo tchiques minutes pour s'asseûther qué lé nièr beurre né prenge pas au fond d'la pêle tandi qu'il est acouo bouoillant.
Pour en finni il est mîns dans des bros à lait ou autres grands pots, et enm'né ès femmes tchi l'mettent dans des pots à g'lée, auvec des tchul'lièrs en bouais.
Les pots sont lavés et frottés devant êtres couverts auvec du papi.
Ach'teu ch'est prêt à vendre et j'vos garantis qué ch'est d'tchi bouan!
Viyiz étout: