Les Pages Jèrriaises

Tchi qui veurt tritchi un million?

 

Lé Juge a ouï tout chein qu'les têmoins ont à dithe;
La télévîsion a fait un rapport sus tout;
Les gâzettes ont d'la peine à n'pas bouffer dé rithe;
Ches tritcheurs ont gângni un million auve eune toux.

Les avocats, ont-i' êprouvé d'explyitchi
Coumme tchi qu'i' fîtent lus rêponses ès tchestchions pus duthes!
Ch'est-i' qu'un ma peut vraînment amender lé ji?
J'peux-t-i' gângni eune forteune auve eune boursoufliuthe?

L'éthêt'-ous creu? La créheule vaut un tas d'êtchus!
La toussot'tie en code, a-t-alle vraînment aîdgi?
Si ch'tait lus plian malîn, nou-s'éthait ri même pus
S'il' avaient gângni les sou auve lé tchoeu d'vômi!

 

Geraint Jennings

 

Viyiz étout:

 

Les Pages Jèrriaises