|
Pour me les jours sont passés De pllaisir et d'peine, Quand d'la biatè, d'ses attraits Je portais la chaine. I' peut lire de biaux jours D'espérance opres l'orage; Rein n'est si doux que l's amours L's amours du jeane âge. Bein que pus noblle ambition, Oprès le fol âge, Obtqienne l'approbation Du savant, du sage; Rein n'êgale le pllaisir, Rein n'est si doux qu'la câresse Qu'autrefais a provoqui L'aveu d'la tendresse. Impossiblle d'oublier La prumiere image Qu'Amour se pllut à graver Dans nôtre jeane âge: Ou veint dvant nous se pllaichir Rlisante comme une lumiere; Rein ne pouorra l'êrrachir Du coin d'la memouaire.
P.L. |
Viyiz étout: