Les lions volés

Nou-s'a volé les lions à l'êcole dé Grands Vaux.
Ches vièrs grands cats en pièrre, ma fé, ont dispathu!
Ches vielles stchulptuthes tch'avaient gardé d's êlèves avaû
L's années sont hortes. Heurlez! Janmais j'n'les vèrrons pus.

Les cats lus en veng'geont - et chenna tôt ou tard.
Qu'les voleurs saient pitchis dans eune bâsse fôsse ès lions!
Qu'i' saient grînmés à mort par tigres et léopards!
Qu'i' saient même attatchis par les pus p'tits catons!