Les Pages Jèrriaises

La Stâtion d'Lamballe

Ma vie rouôle sus des reues d'méta coumme un c'mîn d'fé,
des lîngnes en parallèle tch'avanch'chont à l'av'nîn;
et mé tchi sis cachi en avant sans espé
d'êcapper au destîn - l'empliai du temps d'l'engîn.

Mais né v'chîn lé solé tchi caûffe les vielles dormiéthes
tchi rêvent tout chu Dînmanche en attendant lé train.
Tchi rêvacheuses dé rails, les cheinnes tchi restent et siéthent
les machinnes du pouvé tchi lyient l'preunmyi et l'drein.

Mais j'vèrrons à la fîn la dreine stâtion d'la vie;
les passagièrs mortels arriv'thont au destîn;
et si jé n'saithons pon l'heuthe dé not' drein soupi,
nos reues en méta lithent tout coumme l'acyi du c'mîn.


 

Geraint Jennings
Lamballe 12/10/2003

 

Viyiz étout:

 

Les Pages Jèrriaises