Les Pages Jèrriaises

L'Innocence


 

Et bein man p'tit coumment q'tuas nom?

Coumme man pépée.

Coumment q'tan pépée a nom?

Coumme mé.

Iou q'tu d'meuthe ?

Siez-nous.

Dans tchi pasraisse ?

Ch'nest pas dans eune paraisse. Ch'est dans eune maison, Moussieu.

Coumment q'ta mémée à nom?

Coumme man pépée.

Mais tchais q'est sans nom d'fille?

Chn'est pas eune fille ch'est eune femme.

Tchi l'àge qué tuas?

Man grand frèthe est pus vi q'mé, j'tai san brithday l'autre jour.

Et, quand tchaische lé tchein ?

Daddy m'a dit q'chest ch'tennais.

Tchi l'âge qué tuérais a tan brithday?

Mammy m'dira, n'ia pas d'dangi, ou sai bein yi!

Et as-tu des soeurs ?

Oui, ya ma grande sister et d'autres.

Ta grande sister, est talle mathiée ?

Oui !

Tchais qu'oulle a mathié ?

Eun houmme.

Tchais qu'est san nom ?

Uncle Joe.

Vais-tu à l'escolle ?

Oui.

Iou ?

Siez ma teacher !

Coumment qu'oulle a nom ta teacher ?

Coumme man Daddy car ch'est sa sister.

Faisons des soummes à l'escolles?

Oh ! mais nermin, l'autre jour Georgi s'endormi et la teacher l'y dounnit la cane.

Gardous des vaques siez-tai ?

Oui.

Combein qu'ou z'en avais.

Ieune.

Ou z'avez d's'offices dont.

Daddy va a l'office touos les jours.

Mais iou qu'ou gardais vote vaque?

Oh, dans la tchuizine.

Bon souis la table don'.

Mais nennin, ch'est ch'est sus l'est du foyi.

Tuen sait long man vi.

J'n sis pas vi, j'vais a l'escolle.

Verai q'tu pouorrais tchittai t'n'escollage, tuen sait long assais. Goodbye man p'tit.

Goodbye Moussieu.

 


J. M

 

Viyiz étout:

 

Les Pages Jèrriaises