Chn'est pas manque que j'aie viagi
Je tet ben des fais en France et en Geirnési
Je tet en Angietere trais ou quatre fais
Mais je sis aucouo restaits sus l'ais.

Je une maison qu'est comme un Villa
Des grands messieurs pouorais demeuthé là.
Y n'est pas par excès yien de la ville
Y n'est pas ben yien de la pierre de mille.

Yia un gardin rempyi d'arbres fruitiers
Des carottes, des navets, des poithais, des panais,
Y en a de toutes les sortes et pour touos les goûts
Mais q'comme je dis tchique fais "there's enough for two."

Je piante et rapiante et rapiantastu
Mais je trouve que chest du temps pérdu.
Je piante tréjous pour deuex et je sis toute seule restaits
Mon doux tcheque je fait pour étre abandonnais.

Je peux ben coutchi toute sorte de fricots
Dompleines, pâtets, merveilles et bourdelots,
Mais tchiès que je gagne d'en savé autant
Quand je ne peux pas trouvé de galants.

Je peux étout faithe de bouan podein de riz
Des podeins de fieu au fou ou ben boiyies,
Je sis ernommais pour faithe de bouan café
J'en fais tréjous pour m'en p'tit déjeuné.

Je sis étout buonne couturièthe en drap
Quand j'étais jeanne j'apriens chu maîtchi là.
Je peux faithe veste casaque et brais
Pas seulement les faithe mais étout les r'grêts.

Je peux lavé et fethé biau comme de la nait
Mais "Hush "!!! car marchandise offerte à le prie copet.
Je passe les cheinquante yia dêjà tchique mais
Je crai que j'sis pour tréjous sus l'ais,

Je peux beu vos dithe que je sis ben engniais
Et si par malheur je ne sis pas mathiés tchanneaie
Je vendrai tout ét j'men ithait ayieurs
Peut étre que j'pourais avé pas de bonheur.

Si yia tchiqueuns qui ont besoin d'unne maison
Ls maine est à vendre ét,à un prix de raison.
J'en d'mande tchique louis pour argent comptant
Et pis yia des rentes - yien a gentiment.

Je vos donne jusqu'à Nouai à vos décidé
D'acaté ma maison ou ben de m'mathié
Nouobliyiais pas que si chest mé q'ou pronais
Ou z'avais les deuex ou f'thais eunne bouone journais.

Êcouteais j'vos en prie Êcouteais! Êcouteais!!!
Entrais en passant à m'vais tchique scéthais
Si on m'prenais ou éthais ma maison
Aiche que j'eine pouorais pas tenté tchique vier garçon.

Ainovil